شہزادی ڈیانا (Princess Diana) کی ایک خفیہ بیک اپ ویڈنگ ڈریس بھی موجود تھی، جس کا انہیں خود بھی علم نہیں تھا

ڈیزائنر الزبتھ ایمانوایل نے کسی ہنگامی صورتحال کے پیش نظر یہ ڈریس خفیہ طور پر تیار کروائی تھی۔

جاننا ضروری ہے

• شہزادی ڈیانا کی 1981 کی شادی کے لیے ایک خفیہ بیک اپ ویڈنگ ڈریس بھی تیار کی گئی تھی۔
• ڈیانا کو خود اس دوسری ڈریس کے بارے میں کبھی علم نہیں ہو سکا تھا۔
• 2024 میں ڈیزائنر الزبتھ ایمانوایل نے یہ ڈریس ورچوئل پرنسز ڈیانا میوزیم کی نمائش کے لیے دوبارہ تیار کی۔

شہزادی ڈیانا کی ویڈنگ ڈریس دنیا کی مشہور ترین برائیڈل لُکس میں شمار ہوتی ہے، مگر بہت کم لوگوں کو معلوم ہے کہ ان کی شادی کے لیے ایک دوسری ڈریس بھی تیار کی گئی تھی۔

یہ خفیہ بیک اپ گاؤن ڈیوڈ اور الزبتھ ایمانوایل نے ڈیزائن کیا تھا، مگر ڈیانا کو اس کے وجود کا کوئی علم نہیں تھا۔ ڈیزائنر الزبتھ ایمانوایل نے 2024 میں پیپل میگزین کو انٹرویو میں بتایا کہ

“I was a bit neurotic, and I thought, ‘What happens if somebody breaks in and steals the dress or something spills or there’s a fire or it gets stolen?'”

یعنی وہ کچھ فکرمند تھیں کہ اگر ڈریس چوری ہو جائے، اس پر کچھ گر جائے یا آگ لگ جائے تو کیا ہوگا، اسی خدشے کے تحت انہوں نے ایک اضافی ڈریس بنانے کا فیصلہ کیا۔

29 جولائی 1981 کو ڈیانا نے اپنی اصل ڈریس میں شادی کی، جو آئیوری سلک ٹفیٹا سے بنی تھی اور جس کا ٹرین 25 فٹ لمبا تھا، اُس وقت کا ایک ریکارڈ۔ بیک اپ ڈریس کبھی استعمال نہیں ہوئی۔

دونوں گاؤنز میں کافی فرق تھا۔ اصل ڈریس کی آستینیں پھولی ہوئی تھیں اور اس پر الزبتھ نے ہاتھ سے کڑھائی کی تھی، جبکہ بیک اپ ڈریس کی آستینیں پتلی تھیں اور یہ ریڈی میڈ سفید سلک کپڑے سے تیار کی گئی تھی۔ سب سے اہم فرق یہ تھا کہ بیک اپ ڈریس میں کوئی لمبا ٹرین شامل نہیں تھا اور یہ کبھی مکمل بھی نہیں کی گئی۔ الزبتھ نے بتایا

“I just thought, ‘If anything happens, we’ll finish it off and have it ready'”

یعنی ان کا خیال تھا کہ اگر کچھ ہوا تو وہ ڈریس کو مکمل کر کے تیار رکھیں گی۔

دلچسپ بات یہ ہے کہ ڈیانا نے خود اپنی ویڈنگ ڈریس کے لیے ایمانوایل جوڑے سے رابطہ کیا تھا، مگر انہیں دوسری ڈریس کے بارے میں کچھ نہیں بتایا گیا۔ الزبتھ کے مطابق

“Neither of us wanted to worry her. It was a complete secret”

یعنی وہ دونوں ڈیانا کو پریشان نہیں کرنا چاہتے تھے، اس لیے یہ بات مکمل طور پر خفیہ رکھی گئی۔

ڈیانا کی اصل ویڈنگ ڈریس ان کے انتقال کے بعد 1997 میں بیٹوں پرنس ولیم اور پرنس ہیری کو ورثے میں ملی۔ مگر بیک اپ ڈریس کا انجام کیا ہوا، یہ آج تک معلوم نہیں۔ الزبتھ کا کہنا ہے

“It likely ended up on some sample rail. It probably got reused, torn up, thrown out, who knows?”

یعنی شاید یہ کسی سیمپل ریک پر چلی گئی، دوبارہ استعمال ہوئی یا پھینک دی گئی، کسی کو کچھ معلوم نہیں۔

2024 میں الزبتھ نے پرانے خاکوں اور ایک دستاویزی فلم کی جھلکیوں کی مدد سے اس گم شدہ ڈریس کو دوبارہ تیار کیا، جسے ورچوئل پرنسز ڈیانا میوزیم کی نمائش میں رکھا گیا۔ میوزیم کی ڈائریکٹر رینے پلانٹ نے کہا

“We never got to see that dress on Diana and thought it would be lovely to envision it”

یعنی ڈیانا کو یہ ڈریس پہنے کبھی نہیں دیکھا گیا، اس لیے اسے تصور میں لانا ایک خوبصورت خیال تھا۔

یاد رہے کہ اس سے پہلے بھی ڈیانا کی ڈریس سے متعلق ایک اور تنازع سامنے آ چکا ہے۔ 2005 میں لندن کے میڈم تساؤ میوزیم نے ڈیانا کی ویڈنگ ڈریس کی ایک نقل نیلام کی تھی، جو 175,000 ڈالر میں فروخت ہوئی۔ اس وقت کی کیوریٹر کرسٹینا بینٹ نے دعویٰ کیا تھا کہ ڈیانا نے یہ ڈریس فٹنگز کے دوران پہنی تھی، مگر الزبتھ نے اس دعوے کی سختی سے تردید کی۔ ان کا کہنا تھا

“Diana never tried the dress on, it was never a backup dress”

یعنی ڈیانا نے کبھی وہ ڈریس ٹرائی نہیں کی، اور یہ کوئی بیک اپ ڈریس بھی نہیں تھی۔

ڈیانا اور پرنس چارلس کی شادی کو اب 45 سال مکمل ہو چکے ہیں، مگر آج بھی ان کی زندگی سے جڑی نئی تفصیلات سامنے آتی رہتی ہیں، جو دنیا بھر میں ان کے مداحوں کی دلچسپی کو برقرار رکھے ہوئے ہیں۔